ATHINË, 13 prill /ATSH-ANA/ – Jeta në Greqi do t’i kthehet normalitetit duke filluar nga 1 maji, deklaroi ministri grek i Shëndetësisë, Thanos Plevris.
Konkretisht, nga data 1 maj deri më 31 gusht, nuk do të jetë e nevojshme të tregohet një certifikatë e vaksinimit ose shërimit nga Covid-19.
Dispozita do të rishikohet më 1 shtator.
Megjithatë, përdorimi i maskave mbetet i detyrueshëm për zonat e brendshme deri më 31 maj.
Më tej, duke filluar nga 1 maji dhe pikërisht nga data 3 maj, kur shkollat do të rihapen pas festave të Pashkëve, nxënësit do të kthehen në shkollë pa autotest.
Nga data 1 maj deri më 30 gusht, të gjitha kufizimet në numrin e klientëve në lokacione janë hequr dhe ata mund të funksionojnë me kapacitet 100%.
Edhe kjo masë do të rishikohet më 1 shtator.
Lidhur me festat e Pashkëve, ai tha se ato do të festohen me masat në fuqi, ndërsa përdorimi i maskës rekomandohet edhe në hapësirat e jashtme.
Plevris tha se të gjitha shërbesat fetare normalisht do të mbahen për herë të parë që nga fillimi i pandemisë./ /os/