TIRANË, 11 prill /ATSH/ Rimëkëmbja e kreditimit dha sinjale pozitive vitin e kaluar sidomos në segmentin e individëve, ku vend kryesor zuri kredia konsumatore.
Banka e Shqipërisë bën të ditur se, gjatë 2021 bankat dhanë 33 miliardë lekë kredi konsumatore (përfshirë edhe overdraftet), në rritje me 53.5 % krahasuar me të njëjtën periudhë të një viti më parë.
Në fund të vitit të kaluar, portofoli total i kredisë konsumatore arriti vlerën e 64.2 miliardë lekëve, ose rreth 530 milionë eurove.
Sipas BSH-së me bazë vjetore, portofoli i kredisë konsumatore është zgjeruar me 8.2 %.
/r.e/