ROME, 4 janar /ATSH/- Çfarë është aciditeti i stomakut?
“Aciditeti i stomakut ose hiperaciditeti i stomakut është një gjendje që shfaqet kur vëllimi i lëngjeve gastrike është më i lartë se normalja, aq sa ulet fort pH e stomakut”, shkruan faqjae njohur mjekesore italiane, pazienti.it.
Nëse stomaku dhe organet e tjera të lidhura si ezofagun dhe zorrët janë në gjendje të tolerojnë ndryshimet në pH, atëherë gjendja nuk gjeneron asnjë lloj simptome.
Cilat janë simptomat?
Në mënyrë tipike, kur stomaku, ezofagu dhe duodeni janë në gjendje të përballojnë ndryshimet në sekretimin e acidit, ai kalon pa u vënë re. Herë të tjera, megjithatë, simptomat e përjetuara nga pacienti janë të identifikueshme si urth i rëndë, qe përfshin:
- dhimbje gjoksi
- të përziera
- fryrje stomaku
Të gjitha këto simptoma janë tipike për gastrit, ulcerat peptike dhe refluksin e acidit.
Cilat janë shkaqet e aciditetit në stomak?
Aciditeti i stomakut zakonisht shkaktohet nga sindroma e refluksit gastroezofageal, një sindromë e cila mund të jetë gjithashtu asimptomatike dhe që në çdo rast duhet të diagnostikohet nga një specialist gastroenterolog.
Aciditeti i stomakut dhe urthi që rezulton nuk kanë të bëjnë me zemrën, megjithëse shqetësimi i acidit të stomakut mund të ngatërrohet me dhimbjen e zemrës dhe anasjelltas.
Aciditeti i stomakut është një term popullor për atë që në mjekësi quhet urth.
Si trajtohet urthi?
Medikamentet antacid ndihmojnë në neutralizimin e acidit të stomakut dhe janë ilaçe të dobishme për lehtësimin e simptomave të urthit. Ilaçe të tjera, të tilla si frenuesit e pompës protonike dhe antagonistët e receptorit H2, përdoren për të reduktuar sekrecionet e lëngut gastrik.
Së fundi, barnat prokinetike ndihmojnë në përshpejtimin e zbrazjes së stomakut dhe përdoren veçanërisht për dhimbjet e stomakut, në rastet e refluksit të acidit.
Ja disa nga masat që duhet të merren për të evituar një gjendje shqetësuese:
- Shmangni ushqimet komplekse që priren të shkaktojnë aciditet, si alkooli, pijet me kafeinë, pijet e gazuara, ushqimet pikante dhe me konservues të lartë
- shmangni ushqimet e yndyrshme, të cilat rrisin sekrecionet e acidit gastrik
- shmangni çamçakëzin dhe duhanin
- shmangni shtrirjen menjëherë pas ngrënies
Aciditeti i stomakut: çfarë të hani?
Kur acidi i stomakut fillon të shfaqet shpesh, ai mund të bëhet një çrregullim shumë i bezdisshëm. Megjithatë, është e mundur të zvogëloni simptomat duke ndryshuar zakonet tuaja të të ngrënit dhe stilin e jetesës.
Ushqimet që duhen shmangur ose konsumohen me moderim janë:
- pije alkoolike: alkooli mund të irritojë muret e stomakut dhe të shkaktojë rritje të prodhimit të lëngjeve gastrike
- qumësht: është një element themelor i dietës ditore, por mund të shkaktojë shqetësime në stomak me një rritje të prodhimit të lëngjeve gastrike, duke shkaktuar porozitet gjatë natës.
- kafe: kafeina është një tjetër substancë që stimulon prodhimin e stomakut;
ushqime të yndyrshme dhe të skuqura: këto janë ushqime që priren të rrisin sekretimin e stomakut./ /os/