“Lulet e ftohta të shkurtit”, ekspozita sjell ngjarjet kryesore të viteve ’90-’91

TIRANË, 8 dhjetor/ATSH/ Sot në Festën e Rinisë, Drejtoria e Përgjithshme e Arkivave së bashku me Bashkinë e Tiranës sollën për publikun e kryeqytetit ekspozitën me dokumente që japin një pasqyrim të ngjarjeve kryesore politike dhe sociale të viteve 1990-1991 që sollën erën e ndryshimeve në Shqipëri, kur u rrëzua sistemi komunist dhe e rikthye komunikimi me botën.

Në ekspozitën e titulluar “Lulet e ftohta të shkurtit” për herë të parë shfaqen disa dokumente që sapo e kanë kaluar procesin e deklasifikimit dhe tanimë janë të aksesueshme për cilindo studiues të kësaj periudhe.
Ekspozita përmban dokumente të vrasjeve në kufi, heqja e emrit te universitetit, kushtet e studentëve, krijimi i partive politike, liria fetare, kriza e ambasadave, takimet e Ramiz Alisë në OKB, takimet me përfaqësues të SHBA-ve, vizita e Nënë Terezës etj.
Ekspozita e sjellë nga bashkëpunimi mes Drejtorisë së Përgjithshme të Arkivave dhe Bashkisë së Tiranës mbahet në sheshin përbri Muzeut Historik Kombëtar dhe Hotel “Tirana” dhe është e hapur deri pasdite.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.