Eksportet bujqësore 7.4 miliardë lekë

TIRANË, 6 dhjetor /ATSH/ Eksportet bujqësore po vijojnë trendin rritës.

Perimet e freskëta, ku kryesojnë domatet, kastravecat dhe specat, përbëjnë një nga grupet më të rëndësishëm në eksportet bujqësore “Made in Albania”.

Sipas të dhënave zyrtare nga Instituti i Statistikave, gjatë periudhës janar-tetor të këtij viti eksportet e perimeve të freskëta, shënuan vlerën e 7.4 miliardë lekëve.

Krahasuar me të njëjtën periudhë një vit më parë, këto eksporte u rritën me 1.5 %.

Sot eksportet bujqësore shqiptare shkojnë në 75 shtete të ndryshme të botës ku kryesojnë vendet e Bashkimit Evropian dhe ato të Rajonit.

Ekspertët e bujqësisë argumentojnë se, rritja e eksporteve i adresohet rritjes së prodhimit, të kapaciteteve grumbulluese dhe atyre tregtuese të vendit.

Sipas tyre, investimet falë edhe mbështetjes financiare që jep qeveria, ka rikthyer bujqësinë në trendin e zhvillimit, angazhimin e më shumë forcave në punë dhe rritjen e të ardhurave për familjet fermere.

/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.