Shkolla e re “Lasgush Poradeci” në Kombinat, gati të presë 1300 nxënës

TIRANË, 24 nëntor/ATSH/ Shkolla e re “Lasgush Poradeci” në Kombinat është gati të presë 1300 nxënës, shumë herë më e bukur, me auditore, laboratorë modernë, si dhe me fusha sportive.

Kryeministri Edi Rama ndau sot foto nga kjo shkollë, e cila është gati të presë nxënësit dhe stafin mësimor me kushtet dhe standardet më të mira.

Shkolla e re “Lasgush Poradeci”, që pritet të hapë së shpejti dyert për nxënësit, po rindërtohet me ndihmën e Fondit të Zhvillimit të Katarit.

Ky institucion i ri arsimor do të plotësojë të gjithë nevojat e nxënësve të Kombinatit.

Përveç shkollës së re, në Kombinat është hapur edhe Qendra e re sociale, e cila do t’u vijë në ndihmë të gjithë atyre që janë në vështirësi ekonomike.

/m.m/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.