COVID-19 – Morawiecki: Polonia mision mjekësor në Rumani

VARSHAVË, 25 tetor /ATSH-PAP/ – Qeveria polake do të dërgojë një mision mjekësor në Rumani për të ndihmuar Bukureshtin në luftën e tij kundër pandemisë së koronavirusit për shkak të përkeqësimit të situatës mjekësore në vend, deklaroi kryeministri polak, Mateusz Morawiecki.

Vetëm 34 për qind e të rriturve në Rumaninë me 19,3 milionë banorë janë plotësisht të vaksinuar kundër Covid-19, krahasuar me mesataren e BE-së prej 74%.

Javën e kaluar, Rumania raportoi numrin më të lartë të infeksioneve dhe vdekjeve të reja që nga fillimi i pandemisë, me numrin e vdekjeve ditore që tejkalojnë 500 në një ditë.

“Në lidhje me situatën jashtëzakonisht të vështirë në Rumani të shkaktuar nga Covid-19, pas konsultimit me presidentin rumun Klaus Iohannis dhe kryeministrin Florin Citu, ne kemi vendosur të dërgojmë një mision mjekësor në Rumani”, shkroi kryeministri Morawiecki në Twitter.

“Vaksinat janë mënyra më e mirë për të luftuar koronavirusin”, shtoi Morawiecki./   /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.