Investimet në infrastrukturë, zgjerojnë ofertën turistike në jug

TIRANË, 20 tetor/ATSH/ Investimet në rrugë kanë zgjeruar ofertën turistike në jug të vendit, ndërkohë që sjellin zhvillim për komunitetet.

Kryeministri Edi Rama ndau sot pamje nga disa segmente me rëndësi, që lidhin historinë e Gjirokastrës e Tepelenës mes bukurive natyrore të malësisë së Kurveleshit deri në bregdetin e Jonit.

“Mirëmëngjes dhe me rrugët që lidhin historinë e Gjirokastrës e Tepelenës mes bukurive natyrore të malësisë së Kurveleshit deri në bregdetin e Jonit, ju uroj një ditë të mbarë”, tha Rama.

Koncepti i ri i lidhjes së turizmit malor me bregdetin zgjeron ofertën turistike.

Rruga Bënçë-Lekdush krijon konektivitet në fshatrat e krahinës së Kurveleshit.

Rruga Kuç-Gusmar lidh Tepelenën, Gjirokstrën dhe Përmetin me rrugën e lumit të Vlorës dhe bregdetin. Ky segment shkurton distancën dhe lehtëson transportin.

Ndërsa rruga Nivicë-Salari krijon akses në atraksionet turistike të Nivicës.

/m.m/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.