TIRANË, 12 tetor/ATSH/ Kryetari i bashkisë së Tiranës, Erion Veliaj ka përshëndetur zgjedhjen e Kancelarit të ri të Austrisë, Alexander Schallenberg.
Përmes një mesazhi Veliaj ka uruar Schallenberg për postin e ri, teksa ka ndarë edhe foto të takimit të mëparshëm në Tiranë kur Kancelari mbante postin e ministrin e Jashtëm të Austrisë.
“I lumtur të shoh mikun tim Alexander Schallenberg në krye të Austrisë mike, si Kancelari i ri Federal. Kujtoj takimet tona në Tiranë dhe angazhimin e tij të palëkundur ndaj perspektivës evropiane të Ballkanit Perëndimor”, shprehet Veliaj.
/a.a/r.e/