Libra falas edhe për 3 fëmijët e Dylejman Nuzit në Elbasan

TIRANË, 23 shtator/ATSH/ Klasat e arsimit fillor nga e para deri tek e nënta edhe këtë vit shkollor kanë përfituar librat falas.

Ministrja e Arsimit dhe Sportit, Evis Kushi, i dorëzoi sot librat falas 3 fëmijëve të familjes së Dylejman Nuzit në Elbasan.

“Me shumë kënaqësi u dorëzuam tekstet shkollore Englantinës, Mateos dhe Gretës, 3 fëmijëve të mrekullueshëm të familjes së Dylejman Nuzit në Elbasan, të cilët janë përkatësisht në klasë të tretë, shtatë dhe nëntë në shkollën 9-vjeçare “Hamit Mullisi”. Suksese dhe vit të mbarë shkollor”, shprehet Kushi.

Rreth 250 mijë nxënës në të gjithë vendin përfitojnë këtë vit të ri shkollor librat e shkollës falas, prodhime prestigjoze të OXFORD, PEARSON dhe CAMBRIDGE.

Përfitues të kësaj skeme mbështetëse nga qeveria shqiptare janë edhe të gjithë nxënësit e kategorive të veçanta në arsimin e mesëm dhe të lartë.

/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.