SPANJË – Ish-mbreti Juan Carlos sërish me probleme gjyqësore për taksat papaguara

MADRID, 20 shtator /ATSH-ANSA/ – Elemente të reja shfaqen rreth problemeve të mundshme ligjore të ish-mbretit të Spanjës, Juan Carlos, lidhur me taksat e papaguara.

Sipas gazetës ”El País”, ish-monarku ishte informuar zyrtarisht nga prokurori i Gjykatës Supreme Spanjolle për hapjen e dosjeve mbi parregullsitë e pretenduara në autoritetet tatimore spanjolle për pasuritë e padeklaruara.

Kjo do të thotë që të paktën një nga dy pagesat e bëra midis fundit të 2020 dhe fillimit të  vitit 2021 nga Juan Carlos te Thesari, respektivisht 678 000 euro dhe pothuajse 4,4 milionë euro, për të mënjanuar pasojat penale, nuk mund të konsiderohen të vlefshme.

Ligji parashikon që rimbursimet e taksave janë të vlefshme nëse ato kryhen spontanisht dhe vullnetarisht para se inspektorët tatimorë apo drejtësia të kenë lëvizur për të kontrolluar për ndonjë parregullsi.

Sipas burimeve të konsultuara nga ”El País”, kompensimi i parë i taksave sigurisht ndodhi pasi mbreti dhe avokati i tij kishin marrë dy njoftime nga prokuroria.

E para ka të bëjë me origjinën e 100 milionë dollarëve dhuruar për Juan Carlos nga mbreti  i ndjerë saudit, Abdallah bin Abdelaziz, ndërsa i dyti është në përdorimin e dyshuar të parregullt të fondet e një manjati meksikan./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.