Programi për bujqësinë, 70 milionë euro për tri shtyllat kryesore

TIRANË, 19 shtator /ATSH/ Qeveria rrit mbështetjen financiare në mbështetje të zhvillimit të bujqësisë, blegtorisë dhe zhvillimit rural.

Në programin për bujqësinë në 4 vitet e ardhshme, qeveria adreson 70 milionë euro për tre shtyllat kryesore të këtij sektori, me rëndësi dhe potencial të madh për ekonominë e vendit.

Ministrja e Bujqësisë dhe Zhvillimit Rural, Frida Krifca u shpreh të enjten në Kuvend se “programi i qeverisë rrit mbështetjen në bujqësi, blegtori dhe zhvillim rural, me një total prej 70 milionë euro në financimin e drejtpërdrejtë të masave direkte për prodhim, për fermerët e blegtorët”.

Bujqësia mbetet një nga sektorët kryesor që ka dhënë kontribut të madh në Produktin e Brendshëm Bruto përgjatë këtij viti dhe që do të vijojnë të jenë motor i zhvillimit ekonomik të vendit.

Qeveria po nxit politikat mbështetëse për të rritur punësimin në sektorin e bujqësisë dhe po zgjeron zhvillimin edhe në agroturizëm për kontribuar në përmirësimin e ekonominë rurale.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.