MOSKË – Gazprom: Çmimi i gazit natyror pritet të arrijë nivele rekord

MOSKË, 17 shtator /ATSH-AA/ – Çmimet e gazit natyror në Evropë, që po arrijnë nivele të larta për shkak të mungesës së furnizimit, mund të rriten më tej në të ardhmen e afërt, deklaroi sot presidenti i Gazprom-it rus, Aleksey Miller.

“Evropa po hyn në periudhën vjeshtë-dimër me mungesa të konsiderueshme të gazit natyror në objektet e deponimit nëntokësor”, tha Miller në Kongresin Ndërkombëtar të Tregtisë, në Moskë.

“Të gjithë ekspertët në Evropë dhe Azi thonë se kjo mungesë në objektet nëntokësore të deponimit të gazit në Evropë nuk mund të kompensohet”, shtoi ai.

Miller vuri në dukje se gjiganti rus i gazit, Gazprom, do të ketë gaz të mjaftueshëm për 100 vitet e ardhshme, duke pasur parasysh se Rusia zotëron rezervat më të mëdha të gazit natyror në botë.

Çmimet evropiane të gazit natyror në Ndërmarrjen Holandeze të Transferimit të Drejtës së Pronësisë (TTF) kapën nivele të larta rekord të mërkurën, duke arritur në 77 euro për megavat/orë./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.