Kim takon 15 prokurorët e SPAK: Koha e pandëshkueshmërisë po merr fund

TIRANË, 17 shtator/ATSH/ Ambasadorja e Shteteve të Bashkuara të Amerikës, Yuri Kim u takua sot me 15 prokurorët e SPAK për t’iu shprehur vlerësimin për punën e palodhur në ekip dhe ndjekjet penale të shumta e të suksesshme.

Ambasada e SHBA thekson se, është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit dhe korrupsionit.

“Klasa e BKH me 28 hetues të përkushtuar dhe të trajnuar mirë do të sigurojë ndërtimin e çështjeve të forta nga SPAK. Së bashku, ata do u japin përparësi dhe fokus çështjeve më të rëndësishme dhe do modelojnë pavarësi dhe përgjegjshmëri. Së bashku, ata do të ndjekin penalisht dhe do bëjnë përgjegjës ata që dëmtojnë shqiptarët dhe pasurojnë vetveten përmes krimit të organizuar dhe korrupsionit”, thekson Aambasada e SHBA.

Ambasada nënvizon se askush nuk është mbi ligjin. Koha e pandëshkueshmërisë po merr fund.

/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.