HUNGARI – Papa Françesku: Pamundësoni shpërthimet e urrejtjes

BUDAPEST, 12 shtator /ATSH-ANSA/ – Pamundësoni shpërthimet e urrejtjes, tha papa Françesku në Budapest, faza e parë e një udhëtimi papal që gjithashtu do ta çojë edhe në Sllovaki.

Një avion i ”Alitalia”-s me papën në bord u ul në aeroportin e kryeqytetit hungarez, ku Ati i Shenjtë u prit nga zëvendëskryeministri Zsolt Semjen.

Më pas ai u takua, në Muzeun e Arteve të Bukura në Budapest, me kryeministrin Viktor Orban dhe presidentin e Republikës së Hungarisë, Janos Ader.

”Pamundësoni shpërthimet e urrejtjes”, tha papa në takimin me liderët hungarezë.

”Të angazhohemi për të promovuar së bashku vëllazërinë, në mënyrë që shpërthimet e urrejtjes që duan ta shkatërrojnë atë të mos mbizotërojnë. Unë mendoj për kërcënimin e antisemitizmit, i cili ende endet në Evropë dhe gjetkë. Është një siguresë që duhet të hiqet”, theksoi papa./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.