TIRANË, 27 gusht/ATSH/ 3 100 shtetas shqiptarë, që jetojnë dhe punojnë jashtë territorit të vendit kanë përfituar nga marrëveshjet dypalëshe, të lidhura në fushën e mbrojtjes shoqërore, me vende të Bashkimit Evropian dhe jo vetëm.
Kështu bëri të ditur sot ministrja e Ekonomisë dhe Financave Anila Denaj.
“Instituti i Sigurimeve Shoqërore ka nënshkruar 10 marrëveshje dypalëshe në fushën e sigurimeve shoqërore, duke siguruar mbrojtjen shoqërore për qytetarët shqiptarë që jetojnë në këto vende”, – tha Denaj.
Shtetet me të cilat Shqipëria ka marrëveshje në fushën e sigurimeve shoqërore janw Turqia, Belgjika, Hungaria, Luksemburgut, Maqedonia e Veriut, Republika Çeke, Republika Federale e Gjermanisë, Austrisë, etj.
Ndërkohë që është në proces për marrëveshje në fushën e sigurimeve shoqërore me Holandën, Kroacinë, Rumaninë, Greqinë, Francën dhe Italinë./k.s/j.p/