COVID-19, Ministria e Shëndetësisë: Asnjë humbje jete, 37 raste të reja në 24 orët e fundit

TIRANË, 30 korrik/ATSH/ Ministria e Shëndetësisë dhe Mbrojtjes Sociale bëri të ditur se janë kryer 4593 testime, nga të cilat kanë rezultuar pozitivë me COVID-19, 37 qytetarë, në këto bashki: 10 raste në Tiranë, 7 në Shkodër, nga 4 raste në Fier, Elbasan, Lezhë, nga 2 raste në Kavajë, Kamzë, Malësi e Madhe, nga 1 rast në Krujë, Vau i Dejës.

Vaksinat antikovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

“Nëse dyshoni se jeni i prekur nga COVID-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, apeloi MSHMS.

Aktualisht janë 374 pacientë aktivë me COVID-19 në të gjithë vendin. Në Spitalin Infektiv po marrin trajtim spitalor të specializuar 20 pacientë. Në 24 orët e fundit nuk ka asnjë humbje jete me Sars-Cov-2 pozitiv. Janë shëruar 18 qytetarë gjatë 24 orëve të fundit, duke e çuar numrin e të shëruarve në 130,205 që nga fillimi i epidemisë.

Ministria e Shëndetësisë dhe Mbrojtjes Sociale u bën apel qytetarëve të vaksinohen ndaj Covid-19, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.

Statistika (30 korrik 2021)

Raste të reja ditore 37
Të shëruar në 24 orë 18
Të shtruar në spitale 20
Humbje jete në 24 orë 0
Testime ditore 4593

Testime totale 896,662
Raste pozitive 133,036
Raste të shëruara 130,205
Raste aktive 374
Humbje jete 2,457

Shpërndarja gjeografike e rasteve aktive sipas qarqeve:

Tiranë 137
Elbasan 55
Kukës 33
Lezhë 32
Vlorë 28
Fier 20
Shkodër 22
Korçë 15
Berat 14
Durrës 14
Gjirokastër 4

/k.s/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.