ITALI – Edicioni i parë i Medifest kushtuar tërësisht Shqipërisë

LEÇE, 28 korrik /ATSH-ANSA/ – Edicioni i parë i festivalit “Medifest: Tinguj, Dialogë, Kujtime dhe Imazhe nga Mesdheu”, kushtuar tërësisht Shqipërisë, do të fillojë nesër në Pulia dhe do të zgjasë deri të dielën, me aktivitete që do të zhvillohen në Kastro, Dizo, Maritima dhe Akuaviva.

Festivali i këtij viti, i cili do t’i kushtohet tërësisht Shqipërisë, sponsorizohet nga Rajoni i Pulias, Teatri Publik i Pulias, Pulia Promotion dhe Piiil Cultura në bashkëpunim me partnerë të shumtë.

Kurator shkencor është Geri Ballo dhe koordinator i përgjithshëm është Pasquale De Santis.

Tridhjetë vjet pas zbarkimeve masive të migrantëve shqiptarë në Brindizi dhe Bari, festivali do të ofrojë katër ditë takime, prezantime, koncerte, prova, lexime, shfaqje dhe një “rrugë fotografike” për të treguar historinë e vendit të Ballkanit.

Fjalimi i hapjes së festivalit, me titull “Messapi: Njerëzit e dy deteve” do të zhvillohet në zonën arkeologjike të Kastros./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.