Njohja e patentave shqiptare në Itali në fuqi prej 12 korrikut, Ambasada: Po zgjidhim disa probleme teknike

TIRANË, 24 korrik/ATSH/ Ambasada e Italisë në Tiranë reagoi sot në lidhje me çështjen e njohjes së patentave shqiptare në vendin fqinj.

Në reagimin e saj Ambasada shprehet se po kryhen verifikime për të zgjidhur disa probleme teknike.

“Lidhur me Marrëveshjen mbi patentat, e cila ka hyrë në fuqi më 12 korrik, ju informojmë se janë duke u kryer verifikime për të zgjidhur disa probleme teknike për të bërë të mundur që të interesuarit të mund të paraqesin sa më shpejt kërkesë për konvertimin e patentave të tyre”, – thekson Ambasada italiane.

Sipas marrëveshjes shqiptarët mund të udhëtojnë pa probleme drejt Italisë me patentat që marrin në Shqipëri dhe nuk kanë nevojë për konvertim në shtetin fqinj përtej Adriatikut.

Marrëveshja është në fuqi për 5 vite, ndërsa më pas palët do të rikthehen për rinovim./k.s//a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.