COVID-19 – Biden: Pandemia tashmë problem i atyre që nuk duan të vaksinohen

UASHINGTON, 22 korrik /ATSH-DPA/ – Pandemia mbetet tani një problem i atyre që nuk duan të vaksinohen, deklaroi presidenti amerikan Joe Biden, gjatë një debati në stacionin e njohur publik informativ amerikan, CNN.

Presidenti komentoi edhe mbi situatën e rritjes së rasteve të reja me Covid-19 në SHBA, që janë trefishuar në dy javët e fundit, ku 80% e të infektuarve lidhen me variantin Delta.

 “Nëse jeni të vaksinuar nuk rrezikoni të shtroheni në spital ose të përfundoni në njësinë e kujdesit intensive, ose më keq akoma, të vdisni”, theksoi presidenti duke bërë thirrje për vaksinim./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.