Të ardhura të paligjshme/ Gjykata e Vlorës sekuestro pasurive të tre shtetasve

TIRANË, 15 qershor /ATSH/ Prokuroria pranë Gjykatës së Shkallës së Parë Vlorë njoftoi sot se ka regjistruar dhe po kryen hetime paraprake për procedimin penal të vitit 2019, në ngarkim të shtetasit R.Z., banues në Vlorë, i dyshuar për kryerjen e veprës penale “Pastrimi i produkteve të veprës penale apo veprimtarisë kriminale“.

Nga të dhënat e administruara deri më tani, rezulton se shtetasi R.Z. është person i dënuar nga autoritetet gjyqësore të Italisë, për vepra penale “Prodhim dhe trafikim i drogës”; “Prodhim dhe shpërndarje e drogës”, etj.

Prokuroria Vlorë ka dyshime të arsyeshme se të ardhurat e paligjshme të përfituara nga aktiviteti kriminal i zhvilluar në shtetin italian, janë investuar në blerjen e pasurive të paluajtshme në qytetin e Vlorës.

Në funksion të këtij procedimi penal të vitit 2019 dhe mbi bazën e kërkesës së prokurorit, Gjykata e Rrethit Gjyqësor Vlorë, ka vendosur “Caktimin e masës së sigurimit pasuror të sekuestros preventive” për pasuritë e mëposhtme:

  1. Dy “Njësi” me sipërfaqe totale prej 70 m² dhe 50 m² në Vlorë, në pronësi të shtetasit

R.Z.

  1. Një pasuri e llojit “Garazh”, me sipërfaqe 27.7m², ndodhur në Vlorë, në pronësi të

shtetases A.M.

  1. Tetë pasuri të paluajtshme të llojit “Apartament”:

Apartament me sipërfaqe 159 m², në lagjen “Kushtrimi”, Vlorë, në pronësi të shtetasit V. Z.

Apartament me sipërfaqe 171 m², në lagjen “Kushtrimi”, Vlorë, në bashkëpronësi të shtetasve V.Z. dhe A.M.

Apartament me sipërfaqe prej 236 m² (komplet kati), në lagjen “Uji i Ftohtë”, Vlorë, e shtetasit E.Z., porositur nëpërmjet kontratës kundrejt shumës prej 116.000 (njëqind e gjashtëmbëdhjetë mijë) euro.

Apartament me sipërfaqe 87 m², në lagjen “Uji i Ftohtë”, Vlorë në pronësi të shtetasit V. Z. e porositur me kontratën kundrejt shumës prej 50.000 euro.

Apartament i shtetases A.M., me sipërfaqe 82 m², në lagjen “Ujë i Ftohtë” Vlorë, e porositur me kontratën kundrejt shumës prej 60.000 (gjashtëdhjetë mijë) euro.

Apartament 2+1, me sipërfaqe prej 118 m², e shtetasve E.Z. dhe M.Z., në lagjen “Ujë i Ftohtë” Vlorë, e porositur me kontratën kundrejt shumës 58.000 (pesëdhjetë e tetë) mijë euro.

Apartament 3+1, me sipërfaqe prej 119 m², e shtetasve E.Z. dhe M.Z., në lagjen “Ujë i Ftohtë” Vlorë.

Apartament, me sipërfaqe prej 232 m², e shtetasit V.Z., në lagjen “Ujë i Ftohtë” Vlorë, blerë për çmimin prej 116.000 (njëqind e gjashtëmbëdhjetë mijë) euro.

  1. Pasuri e paluajtshme e llojit “Tokë arë”, me sipërfaqe prej 5000 m², në bashkëpronësi të shtetasve S.Z., L.Z., E.Z., R.Z., V.Z., V.Z., E.R.
  2. Pasuri e paluajtshme e llojit “Truall”, ndodhur në lagjen “Kushtrimi”, Vlorë, në bashkëpronësi të shtetasve V.Z. dhe A.M.
  3. Pasuri e paluajtshme e llojit “Bodrum”, me sipërfaqe prej 181 m², lagjja “Kushtrimi”, Vlorë, në bashkëpronësi të shtetasve V.Z. dhe A.M.
  4. Pasuri e paluajtshme “shtesë 4-kate”, në bashkëpronësi të shtetasve V.Z. dhe A.M.
  5. Automjet i markës BMW, GM 730 D, në pronësi të shtetasit R.Z”.

Po kështu prokuroria pranë Gjykatës së Shkallës së Parë Vlorë, ka regjistruar procedim pasuror ndaj shtetasve A. M. dhe S.B. të shpallur në kërkim ndërkombëtar si të dyshuar për veprat penale të “Trafikimit ndërkombëtar të lëndëve narkotike” dhe “Organizatë Kriminale” nga autoritetet italiane.

Në kuadër të procedimit pasuror të vitit 2021 dhe mbi bazën e kërkesës së prokurorit, Gjykata e Rrethit Gjyqësor Vlorë, ka vendosur “Caktimin e masës së sigurimit pasuror të sekuestros” për pasuritë e  mëposhtme:

  1. Apartament me sip.93 m², në emër të M.M. çmimi 39.000 Euro.
  2. “Truall” me sip.160 m² dhe sip. ndërt. 40 m², në emër të A.M. çmimi 1.900.000 lekë.
  3. Apartament 23 % të pasurisë me sip.164 m², në emër të A.M. çmimi 60.000 euro.
  4. Automjet Benz E 300, në pronësi të S.M.
  5. Automjet Citroen Berlingo, në pronësi të shtetasit A.M.

Në zbatim të vendimeve gjyqësore janë nxjerrë urdhërat e ekzekutimit të prokurorit të cilat po ekzekutohen nga shërbimet e policisë gjyqësore të Drejtorisë Vendore të Policisë Vlorë.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.