Yll gjigant në zemër të Rrugës së Qumështit

LONDËR, 12 qershor /ATSH-ANSA/ – Një objekt i ndritshëm shkëlqen afër zemrës së Rrugës së Qumështit, më shumë se 25 000 vjet dritë nga Toka.

Ky është një yll gjigant që nuk është parë kurrë më parë dhe me një masë rreth 100 herë më të madhe se Dielli, sipas studimit të botuar në ”Monthly Notices of the Royal Astronomical Society” nga Instituti i Astronomisë i Universitetit britanik të Kembrixhit, i udhëhequr nga Leigh Smith.

I quajtur VVV-WIT-08, ylli ka një sjellje të pazakontë, pasi ai humbet shkëlqimin dhe pastaj bëhet përsëri i ndritshëm, një gjë e rrallë kjo në Rrugën e Qumështit, të cilën astronomët tani po përpiqen ta kuptojnë.

Hipoteza më e besueshme nga autorët e studimit është se ylli gjigant VVV-WIT-08 është pjesë e një klase të re të sistemeve binare.

Kjo do të shpjegonte sjelljen e pazakontë vezulluese të yllit, e cila do të humbte shkëlqimin sepse eklipsohet në mënyrë periodike nga një ”shok” i tij, që nuk është identifikuar ende. /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.