FOKUS – A mund t’i zëvendësojë politikanët inteligjenca artificiale?

ROMË, 8 qershor /ATSH-ANSA/ – Inteligjenca artificiale (IA) është më e preferuar se një politikan i jetës reale sipas 59% e italianëve, kryer nga Qendra për Qeverisjen e Ndryshimit në 11 shtete, që intervistoi 2 769 persona.

Në Europë 51% thanë se ishin në favor të një opsioni të tillë, në Kinë përqindja rritet në 75.

Studimi shoqërohet me atë të kryer dy vjet më parë në nivelin e kompanisë, e cila tregoi se punonjësit do të preferonin një algoritëm si menaxher.

”Këto zbulime janë produkt i viteve të humbjes së besimit në demokraci si një formë e qeverisjes”, theksoi Oscar Jonsson, drejtor akademik i Qendrës për Qeverisjen e Ndryshimit dhe një autor kryesor i studimit.

Arsyet e skepticizmit, sipas studiuesve, janë të lidhura me polarizimin politik në rritje.

Në Europë, përqindja më e lartë e njerëzve që preferojnë një algoritëm ndaj një politikani është në Spanjë (66%), por ka edhe vende skeptike.

Në Britaninë e Madhe për shembull, 69% e njerëzve janë kundër që IA të zëvendësojë deputetët, në Holandë 56%, në Gjermani 54%, dhe në SHBA 60%.

Opinionet ndryshojnë gjithashtu sipas grupeve të moshës.

Të rinjtë janë më të hapur ndaj hipotezës së inteligjencës artificiale në Parlament: mbi 60% e europianëve të moshës 25-34 dhe 56% e evropianëve të moshës 34-44 janë pro, ndërsa ata mbi 55 vjeç janë kundër. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.