TIRANË, 1 qershor /ATSH/ Kryetarja e bashkisë së Durrësit, Emiriana Sako ka pritur në një takim kreun e Prezencës së OSBE-së në Shqipëri, Vincenzo Del Monaco.
Kryebashkiakja Sako i ka shprehur mirënjohjen ambasadorit në lidhje më ndihmën e vazhdueshme që OSBE i ka dhënë dhe vazhdon t’i japë vendit tonë.
Në këtë takim u bashkëbisedua për tema të ndryshme siç janë çështjet e sigurisë, rinia, bashkëpunimi i frytshëm me OSBE-në në fusha të ndryshme.
Kryebashkiakja Sako dhe ambasadori Vincenzo Del Monaco ndanë të njëjtin mendim mbi perspektivat për rritjen e mëtejshme të bashkëpunimit midis bashkisë së Durrësit dhe OSBE-së, si dhe ndërmarrjen e të tjera projekteve të përbashkëta në të ardhmen. /j.p/r.e/
