BERLIN – Bundestagu krijon fondacionin ”Helmut Kohl”

BERLIN, 7 maj /ATSH-DPA/ – Parlamenti gjerman vendosi të krijojë fondacionin ”Helmut Kohl” për të nderuar punën e njeriut që kryesoi fundin e Luftës së Ftohtë dhe ribashkimin gjerman.

Marrëveshja mbi një fondacion shkon kundër dëshirës së shprehur të së vesë së Kohl, Maike Kohl-Richter.

Një nga detyrat e fondacionit, krijimi i të cilit u miratua nga Bundestag pa vota kundër, përfshin krijimin e një memoriali.

“Helmut Kohl është ende një model i shkëlqyeshëm për shumë të rinj sot”, theksoi sekretari i përgjithshëm i CDU-së, Paul Ziemiak.

Kohl-Richter pohoi se projekti shkon kundër dëshirave të fundit të bashkëshortit.

Sipas avokatëve të tij, ka dyshime se jeta dhe politika e Kohl mund të shtjellohen në mënyrë objektive në modelin e propozuar.

Sidoqoftë, të gjitha grupet parlamentare në Bundestag, nga blloku konservator i Angela Merkelit, CDU/CSU te partia e majtë, votuan për fondacionin dhe vetëm populistët e djathtë të AfD-së abstenuan.

Kohl vdiq katër vjet më parë, në moshën 87 vjeç.

Ai mbajti pozicionin e kancelarit nga 1982 në 1998. Ai fillimisht shërbeu si kancelar i Gjermanisë Perëndimore dhe më pas i Kombit të Unifikuar nga 1982 në 1998./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.