BELGJIKË – Brukseli thërret ambasadorin e Rusisë në BE pas sanksioneve ruse-

BRUKSEL, 3 maj /ATSH-AFP/ – Ambasadori i Rusisë në BE u thirr sot nga institucionet europiane pas vendimit të Moskës për të sanksionuar tetë zyrtarë të lartë europianë, përfshirë presidentin e Parlamentit Europian dhe një komisioner, njoftoi Komisioni Europian.

“Ambasadori u thirr dhe do të pritet nga sekretari i përgjithshëm i Komisionit Europian dhe shërbimi europian për veprime të jashtme”, deklaroi zëdhënësi i shefit të diplomacisë europiane, Josep Borrell.

Rusia ndaloi javën e kaluar hyrjen në territorin esaj të tetë zyrtarëve europianë, mes të cilëve presidentin e Parlamentit Europian, David Sassoli, zëvendëspresidenten e Komisionit Vera Jourova, prokurorin e Berlinit, Jörg Raupach dhe deputetin francez, Jacques Maire, raportues special për helmimin e opozitarit, Alexeï Navalny në Asamblenë Parlamentare të Këshillit të Europës (APCE).

Bashkimi Europian dënon këtë vendim të njoftuar pas miratimit nga Parlamenti Europian të një rezolute që dënon veprimet e Rusisë dhe kërkon sanksione ekonomike dhe politike./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.