Ambasadorët, mesazh qytetarëve: Vota jote është e jotja, mos e fal dhe mos e shit

TIRANË, 24 prill/ATSH/ Ambasadorët në vendin tonë publikuan një videomesazh për të gjithë shqiptarët se si të mbrojnë votën e tyre dhe përmes saj të vendosin për një të ardhme më të mirë.

Ambasadorja e Suedisë, Elsa Hastad, ambasadorja e SHBA-së Yuri Kim, ambasadori i BE, Luigi Soreca, Koordinatorja e Përhershme e OKB-së, Fiona McCluney, ambasadori i Spanjës, Marcos Alonsa Alonso, ambasadori i Sllovenisë, Peter Japelj, ambasadori i OSBE-së, Vincenzo Del Monaco, ambasadori i Bullgarisë, Momtchil Raytchevski u bëjnë thirrje votuesve shqiptarë të mos e shesin votën pasi demokracia është e paçmueshme.

“Së shpejti do të kemi zgjedhjet në Shqipëri dhe për demokracinë zgjedhjet janë ngjarja më i rëndësishme. Vota jote është e jotja, nuk është dhuratë dhe prandaj mos e fal dhe mos e shit. Në ditën e votimit voto dhe ti vendos për të ardhmen e vendit! Demokracia është e paçmueshme”, thuhet në videomesazhin e diplomatëve të huaj në vendin tonë. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.