ÇAD – Presidenti Deby vdes pas përleshjeve me rebelët

NXHAMENA, 20 prill /ATSH-DPA-ANSA/ – Idriss Deby, i cili sapo fitoi për herë të pestë zgjedhjet presidenciale në Çad, vdiq gjatë përleshjeve me forcat rebele, njoftoi zëdhënësi ushtarak Azem Bermandoa Agouna.

“Presidenti i Republikës, kryetari i Shtetit, shefi Suprem i Forcave të Armatosura, Idriss Deby Itno, mori frymë e fundit në fushën e betejës për të mbrojtur integritetin territorial.

Me hidhërim të thellë ne shpallim vdekjen e tij”, njoftoi ky zëdhënës në televizionin shtetëror të Çadit.

Deby sapo ishte rizgjedhur në raundin e parë të zgjedhjeve presidenciale, të zhvilluara më 11 prill duke marrë 79% të votave.

Pas tri dekadash në pushtet, ai ishte gati për të marrë një mandat të gjashtë radhazi edhe për gjashtë vite të tjera./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.