ITALI – Bie numri i rasteve të reja dhe fataliteteve nga Covid-19

ROMË, 18 prill /ATSH-ANSA/ – Italia regjistroi sot 12 694 raste të reja me koronavirus, sipas të dhënave nga Ministria italiane e Shëndetësisë, ndërkohë që dje ishin 15 370.

Sot u regjistruan gjithashtu 251 viktima nga 310 një ditë më parë.

U kryen sot 230 116 teste, sipas të dhënave nga Ministria e Shëndetësisë.

Dje testet ishin 331 734.

Shkalla e pozitivitetit është 5,5%, nga 4,6% dje.

“Në këtë fazë duhet të mbajmë dy fjalë së bashku: besim dhe maturi. Ne kemi hyrë në një fazë tjetër falë fushatës së vaksinimit. Të dhënat na tregojnë për një fazë tjetër, por nuk do të ketë një fazë “x” ku të gjitha masat do të zhduken”, deklaroi ministri i Shëndetësisë, Roberto Speranza./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.