Vesi i francezëve gjatë bllokimit antiCOVID-19?

PARIS, 11 prill /ATSH/ – Sasia e djathit të blerë nga francezët për konsum shtëpiak u rrit me më shumë se 8% në vitin 2020, i krahasuar me 2%-shin e një viti më parë, sipas shifrave të agjencisë bujqësore FranceAgriMer dhe firmës së të dhënave të tregut Kantar.

Në Francë, mocarela pa rritjen më të madhe të kërkesës midis kategorive kryesore të djathit, me një rritje prej 21% të vëllimit, e ndjekur nga një rritje prej 12% për djathin raclette.

Kështu, djathi ka dalë më mirë sesa produktet, si shampanja ose peshku, produkte që varen më shumë nga ngjarjet dhe tregtia e restoranteve.

Me 24 kilogramë djathë të konsumuar në vit dhe për frymë, francezët janë ndër konsumatorët më të mëdhenj në botë të tij, vetëm pak pas grekëve (25,4 kg). / /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.