FRANCË – Macron kërkon mobilizimin e studentëve dhe mjekëve në pension për vaksinimin

STRASBURG, 24 mars /ATSH-DPA/ – Presidenti francez Emmanuel Macron dëshiron të shpejtojë përpjekjet e vaksinimit të vendit duke mobilizuar studentë dhe personel mjekësor në pension për të ndihmuar në procesin e vaksinimit.

”Pas marrjes së autorizimit të duhur, ata duhet të jenë në gjendje të mobilizohen, njësoj si zjarrfikësit”, tha Macron të martën gjatë një vizite në një farmaci në Francën Veri-lindore.

”Vaksinimi është një përparësi kombëtare”, tha ai.

Gati 6,4 milionë persona kanë marrë vaksinën e koronavirusit në Francë që nga e hëna në mbrëmje.

Në vendin me gati 67 milionë banorë, rreth 4,3 milionë raste koronavirus janë konfirmuar si edhe 92 000 vdekje./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.