KALIFORNI, 22 mars /ATSH-ANSA/ – ”Jam duke vendosur twttr tim”. Ishte 21 mars 2006 dhe Jack Dorsey, atëherë një IT i ri, po testonte Twitter-in duke shkruar tekstin e parë në historinë e platformës.
Një tekst me pak shkronja, po aq i shkurtër sa një sms me tekst.
Pesëmbëdhjetë vjet më vonë, Dorsey, tani shef i kompanisë, nxori në ankand atë ”cicërimë” dhe e vërteton përmes blokchain.
Listimi tejkaloi 2,5 milionë dollarë, ankandi përfundoi më 21 mars dhe të ardhurat do të shkonin për bamirësi.
Kjo histori përfshin evolucionin e Twitter, i lindur për të mirëpritur komunikimet e shpejta të shërbimit dhe për t’u bërë një media e gjithanshme që synon fitimin dhe bën politikë, siç dëshmohet nga ndalimi përgjithmonë i ish-presidentit Trump.
Megjithatë, fillimi zyrtar i platformës u bë në korrik 2006.
Gjatë këtyre 15 viteve, Twitter ka dokumentuar shumë momente të historisë përmes përdoruesve.
Në vitin 2009 revolta në Iran dhe më pas Pranvera Arabe, në 2010 tërmeti në Haiti, kapja e Osama Bin Laden në 2011.
Pastaj zgjedhjet amerikane në 2016 që çuan në zgjedhjen e Trump dhe shpërthimin e Russiagate, me informacionin jashtë kontrollit në internet, duke përfshirë gjuhën e urrejtjes dhe lajmet e rreme.
Probleme që Twitter, si të gjitha rrjetet sociale, po përpiqet t’i frenojë.
Pas zgjedhjeve të fundit amerikane, ai e ndaloi Trump përgjithmonë.
Ai gjithashtu filloi me Birdwatch, me përdoruesit në ballë të identifikimit dhe raportimit të tweet-eve me informacion të rremë.
Një iniciativë tjetër është kundër dezinformimit për vaksinat antiCovid.
Twitter tani po shikon drejt së ardhmes: synon 315 milionë përdorues aktivë në ditë dhe dyfishimin e të ardhurave vjetore deri në vitin 2023.
Më në fund, Twitter gjithashtu dëshiron të marrë në dorë biznesin e transmetimit të muzikës.
Nëpërmjet Square, një kompani e shërbimeve financiare dhe pagesave celulare, Dorsey bleu shumicën e Tidal, kompaninë e Jay-Z, reperit, producentit dhe bashkëshortit të Beyonce./ a.jor.