BUDAPEST, 11 mars /ATSH-AFP/ – Hungaria regjistroi sot një numër rekord infektimesh të reja me COVID-19 dhe shtrimesh në spital, ndërsa qeveria po përshpejton ritmin e vaksinimit në një përpjekje për të kundërshtuar këtë valë të tretë të fuqishme.
Në 24 orë, vendi me 9,8 milionë banorë regjistroi 8 312 raste të reja, ndërsa 8 329 pacientë u shtruan në spitale, shifra të padëgjuara që nga shfaqja e pandemisë në pranverën e vitit 2020.
Gjithashtu, u konfirmuan edhe 172 vdekje, një shifër afër nivelit më të lartë të dhjetorit (193), për një total vdekjesh prej 16 500 viktimash.
“Shtrimet në spital mund të rriten edhe më shumë se 10 000”, paralajmëroi Gergely Gulyas, kreu i zyrës së Viktor Orbanit, gjatë një konferencë për shtyp.
Raportimet e medias lokal tregojnë për mbingarkim të shërbimeve spitalore në të gjithë vendin, me transferime të mjekëve në qytetet më të prekura dhe pacientë të pranuar gjithnjë e më të rinj.
Javën e kaluar, kryeministri hungarez ngriti rrezikun e kësaj rritjeje në 20 000, ndërsa shtrëngoi kufizimet, duke mbyllur shkollat dhe dyqanet që nga e hëna.
Sipas ekspertëve, varianti britaniku tani përbën 80 deri 90% të rasteve të reja./ /ervo/