Sektori i mikrofinancës u rrit me 8.3 % me bazë vjetore

TIRANË, 2 mars /ATSH/ Totali i sistemit mikrofinanciar u rrit në vlerën 11.9 miliardë lekë në fund të vitit të kaluar.

Banka e Shqipërisë bën të ditur se, ky sektor është rritur 8.3 % me bazë vjetore.

Mikrofinanca zë një peshë të rëndësishme në financimin e fermerëve dhe bizneseve të vogla në zonat rurale.

Rreth 71.4 % e aktiveve të saj janë kredi. Ndërsa 83 % e totalit të depozitave pranë këtyre institucioneve janë në monedhën vendase.

Aktualisht Banka e Shqipërisë ka licencuar 14 institucione mikrofinanciare.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.