Statusi OEA/ Denaj në Sarandë: Lehtësi për bizneset e eksport dhe importit në dogana 

TIRANË, 27 shkurt/ATSH/ Statusi i Operatorëve Ekonomik të Autorizuar (OEA) për Biznesin, është një tjetër lehtësi që i ofrohet sipërmarrjeve në kuadër të përmirësimit të klimës së biznesit në vend.

Ministria e Financave dhe Ekonomisë Anila Denaj së bashku me Drejtorinë e Përgjithshme të Doganave, Gent Gazheli dhe punonjësit e Degës Doganore Sarandë, diskutuan për mundësitë dhe ndërgjegjësimin e bizneseve për marrjen e statusit të Operatorit Ekonomik të Autorizuar OEA.

“Me ofrimin e statusit OEA, reduktojmë kohën e eksport/importit dhe procedurat doganore” – u shpreh Denaj.

Ministria e Financave dhe Ekonomisë është e angazhuar maksimalisht të japë ndihmesën e saj në krijimin e një mjedisi sa më të favorshëm për biznesin në Shqipëri, si dhe t’i japë një hov sipërmarrjes shqiptare në këtë kuadër, veçanërisht për ndërmarrjet e vogla dhe të mesme.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.