FRANCË – Nisa dhe Dankërku mbyllen për shkak të situatës së virusit

PARIS, 27 shkurt /ATSH-DPA/ – Një bllokim i pjesshëm ka hyrë në fuqi që nga kjo fundjavë në rajone të ndryshme të Francës, përfshirë Nisën dhe Dankërkun,  që janë prekur veçanërisht rëndë nga epidemia e koronavirusit.

Mbyllja preku veçanërisht qytetin turistik jugor të Nicës, duke përfshirë rajonin bregdetar, si edhe qytetin verior të Dankërkut.

Mbyllja zbatohet vetëm në fundjavë, kur njerëzit lejohen të dalin jashtë vetëm me një arsye të vlefshme.

Dyqanet, përveç supermarketeve ose farmacive, janë të mbyllura.

Në Nisë, kryetari i bashkisë, Christian Estrosi ka mbyllur gjithashtu pjesë të shëtitores së famshme të plazhit “Promenade des Anglais”.

Rajonet e prekura përfshijnë gjithashtu qytetin e Parisit. Nënkryetari i tij i bashkisë fillimisht propozoi një bllokim të shkurtër dhe të rreptë me perspektivën e mundësisë për të rihapur restorantet ose qendrat kulturore më pas./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.