BRUKSEL – BE zgjat sanksionet ndaj Bjellorusisë

BRUKSEL, 25 shkurt /ATSH-AFP/ – Bashkimi Europian njoftoi sot vendimin e tij për të zgjatur deri më 28 shkurt 2022 sanksionet e vendosura ndaj presidentit bjellorus Alexander Lukashenko dhe anëtarëve të regjimit të tij, të akuzuar për dhunë e mashtrime gjatë zgjedhjeve presidenciale të 9 gushtit.

Rreth 88 persona, përfshirë Aleksandër Lukashenko dhe shtatë njësi ekonomike, u sanksionuan me një ndalim të udhëtimit në BE dhe një ngrirje të pasurive.

“Këto sanksione, të vendosura në tetor, nëntor dhe dhjetor 2020, nënkuptojnë për aktorët politikë dhe ekonomikë të Bjellorusisë se veprimet dhe mbështetja e tyre ndaj regjimit duhet të kenë një kosto”, theksoi komunikimi i botuar nga Këshilli i Europës.

BE refuzoi të njohë rezultatet e zgjedhjeve presidenciale të gjykuara si të manipuluara.

Sanksionet e reja u njoftuan gjatë takimit të ministrave të Jashtëm të BE-së më 22 shkurt 2021./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.