Balla, takim me fermerët në Papër: Skema e subvencionit të naftës do të ulë kostot e prodhimit

TIRANË, 27 janar/ATSH/ Drejtuesi politik i Partisë Socialiste për qarkun e Elbasanit, Taulant Balla zhvilloi një takim me fermerët në Papër.

Gjatë bisedës, Balla i bëri apel fermerëve që disponojnë NIPT që të aplikojnë në portalin e-Albania për të përfituar naftën falas.

Sipas Ballës, skema e re e subvencionit do të ulë kostot e prodhimit dhe do të rrisë më shumë fitimet e fermerëve.

“Në zyrat e AREB në Elbasan janë specialistët që ofrojnë asistencën e tyre në aplikimin online që mbyllet më 25 shkurt. Fermerët tashmë e kanë informacionin e duhur mbi mënyrën e aplikimit dhe dokumentacionin e nevojshëm. Për çdo rast nevoje përdorni numrin jeshil 08008383. E provuam vetë një telefonatë dhe në çdo moment mund të konsultoheni”, deklaroi Balla./m.m/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.