Moti i keq gjatë janarit/ OSHEE: U riparuan 40 km linja të dëmtuara e 65 shtylla elektrike

TIRANË, 25 janar /ATSH/ Ministria e Infrastrukturës dhe Energjetikës bën të ditur se Operatori i Shpërndarjes së Energjisë Elektrike (OSHEE) është në gatishmëri dhe po ndjek me prioritet furnizimin me energji elektrike të të gjithë konsumatorëve, duke punuar në terren për eliminimin e defekteve në kushtet e motit me reshje shiu.

OSHEE gjatë situatës së emergjencës në muajin janar, vuri në gatishmëri 1314 punonjës dhe 347 mjete  të cilët u angazhuan në terren për riparimin e defekteve nga moti i përkeqësuar të 34 fidera.

37 044 abonentëve iu rikthye energjia, pas riparimit të defekteve nga moti i përkeqësuar me reshje shiu, dëborë në zonat veriore dhe juglindore të vendit dhe temperatura të ulëta.

Ndërkohë që grupet e teknikëve të OSHEE-s, në kushtet e motit të keq, riparuan 40 km linja të dëmtuara, 65 shtylla elektrike dhe 4 transformatorë dhe kabina elektrike.

Aktualisht situata paraqitet e stabilizuar, falë reagimit në kohë të brigadave të terrenit për riparimin e defekteve.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.