TIRANË, 25 janar/ATSH/ Katër tragetet që lundrojnë në linjat Durrës-Bari dhe Bari-Durrës janë nisur me disa orë vonesë nga portet respektive në të dy anët e Adriatikut.
Burime nga Dispeçeria e Përgjithshme në APD, bëjnë të ditur se shkak është bërë deti i trazuar dhe era e fortë me shpejtësi mbi 20 km/orë në brigjet detare.
Sipas të njëjtave burime, tragetet “Francesca” dhe “Rigel” që janë nisur nga Bari sot në orët e para të ditës pritet të mbërrijnë në Durrës rreth orës 13:30, me një vonesë prej 5-6 orësh.
Ndërkaq, mësohet se tragetet “Bari” dhe “Allegra” të linjës Durrës-Bari që duhet të fillonin lundrimin mbrëmë rreth orës 23:00 janë nisur nga porti më i madh i vendit sot rreth orës 06:00.
Dispeçeria e APD-së, bën me dije se sot në mbrëmje parashikohet përsëri erë e fortë dhe det i trazuar./k.s/r.e/
