SPANJË – Jep dorëheqjen kreu i ushtrisë pas skandalit të vaksinimit

MADRID, 24 janar /ATSH-AA/ – Shefi i Shtabit të Mbrojtjes të ushtrisë spanjolle dha dorëheqjen pas një polemike që shpërtheu pasi ai u pa duke marrë vaksinën e koronavirusit (COVID-19) duke thyer protokollin e vaksinimit, raportuan mediat vendore.

Gjenerali, Miguel Angel Villarroya ia paraqiti dorëheqjen e tij ministres së Mbrojtjes Margarita Robles, të cilën ajo e pranoi.

Në letrën e tij të dorëheqjes, ai theksoi se i kishte shërbyer Spanjës me ndershmëri gjatë gjithë karrierës së tij 45-vjeçare ushtarake.

Dorëheqja e gjeneralit, Miguel Angel Villarroya erdhi pas një skandali rreth vaksinimit të zyrtarëve ushtarakë dhe politikë spanjollë të cilët morën vaksinat e para kohë, pasi paraprakisht ishin rezervuar për punonjësit shëndetësorë dhe personat në shtëpitë e të moshuarve./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.