TEHERAN, 22 janar /ATSH-AFP/ – Qeveria e re amerikane duhet të heqë pa kusht sanksionet e vendosura nga Donald Trump kundër Iranit, nëse dëshiron të shpëtojë marrëveshjen bërthamore, theksoi kreu i diplomacisë iraniane, Mohammad Javad Zarif, në një artikull të publikuar në revistën amerikane “Foreign Affairs”.
Para gjithçkaje, qeveria e Joe Biden duhet të heqë pa kushte të gjitha sanksionet e vendosura kundër Iranit që prej ardhjes në pushtet të Trump”, shkruan ai në këtë artikull të publikuar sot.
Në 2015, Republika Islamike e Iranit dhe Grupi i gjashtë vendeve (Kinë, SHBA, Francë, Britani e Madhe, Rusi dhe Gjermani) arritën në Vjenë një Plan Veprimi Global të përbashkët (PAGC) i përqendruar në zgjidhjen e çështjes bërthamore iraniane pas 12 muajve tension./ /ec/
