“Me punë, jo gjumë”/ Rama publikon pamje nga investimet që transformuan Kamenicën

TIRANË, 20 janar/ATSH/ Investimet e kryera nga qeveri në Kamenicë, Delvinë, kanë përmirësuar ndjeshëm jetën e banorëve të zonës.

Kryeministri Edi Rama publikoi sot pamje nga transformimi i kryer në shkollën e fshatit, rrugët dhe ujësjellësin e ri.

Sot shkolla e Kamenicës nga një gërmadhë është shndërruar në një shkolle me kushtet më optimale.

Dëshmitë e nxënësve dhe mësuesve të kësaj shkolle tregojnë se si është transformuar ky ambient.

Mësuesit shprehen se më parë në shkollën e vjetër shkruanin në një dërrasë të kalbur ndërsa sot duket qartë transformimi.

Edhe nxënësit shprehen të kënaqur për investimet e kryera. “Sot po mësojmë në ambiente të bukura e komode. Kemi kushte optimale, ndryshimi është 100 %”, shprehen ata.

Ndërkohë banorët vlerësojnë edhe investimet e kryera në infrastrukturë.

“Rrugët na i ka bërë bashkia të mira. Ishin me baltë, gurë“, theksoi një nga banorët e fshatit.

Bashkia gjithashtu ka kryer edhe pastrimin e kanaleve kulluese.

Në Kamenicë, falë investimit të kryer nga qeveria për ndërtimin e ujësjellësit të ri, sot banorët furnizohen 24 orë me ujë. /r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.