159-vjetori i lindjes së Heroit të Popullit, Bajram Curri/ Meta: Ia dedikoi jetën çështjes shqiptare

TIRANË, 16 janar/ATSH/ Presidenti Ilir Meta përkujtoi sot 159-vjetorin e lindjes së Heroit të Popullit, Bajram Curri.

Meta e cilësoi si një veprimtar të dalluar të Rilindjes Kombëtare, njërin nga udhëheqësit më të mëdhenj politikë e ushtarakë të kryengritjeve popullore për Pavarësinë dhe progresin demokratik të Shqipërisë, që gjithë jetën e tij ja dedikoi çështjes shqiptare.

“Më 16 janar 1862, lindi Heroi i Popullit, veprimtari i dalluar i Rilindjes Kombëtare, njëri nga udhëheqësit më të mëdhenj politikë e ushtarakë të kryengritjeve popullore për Pavarësinë dhe progresin demokratik të Shqipërisë, një nga djemtë trima më të shquar të Malësisë së Gjakovës, që gjithë jetën e tij ja dedikoi çështjes shqiptare, Bajram Curri”, u shpreh Meta.

“Vargjet shpërthyese dhe përherë aktuale të shkruara për të nga Fan Noli mbeten madhështore për fuqinë e përshkrimit të kësaj figure të ndritur kombëtare, që mbetet i gjallë në zemrën e çdo shqiptari patriot, për të cilin Atdheu është i pari, mbi gjithçka tjetër”, u shpreh Meta. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.