SPANJË – Madridi hyn në një bllokim të ri antiCOVID-19

MADRID, 15 janar /ATSH-ANSA/ – Madridi shpalli sot një bllokim të ri antiCOVID-19, pasi rastet pozitive janë rritur me 51% në javën e fundit.

Nga e hëna, orari i shtetrrethimit të mëparshëm do të nisë në orën 23:00 në të gjithë rajonin.

Hotelet, restorantet dhe, në përgjithësi, të gjitha llojet e vendeve, si dyqanet, teatrot ose kinematë, do të kenë orë të kufizuara dhe do të duhet të mbyllen në orën 22:00.

Kufizimi, gjithashtu, do të përfshijë edhe udhëtimin në 19 komuna, sipas raporteve të medias lokale.

Madridi është i fundit që shkon drejt një bllokimi të ri, sepse pushimet e Krishtlindjeve kanë çuar në nivele të reja rekord të infektimeve në të gjithë Spanjën.

Disa rajone kanë kërkuar që qeveria qendrore të lejohet të vendosë izolim të rreptë në shtëpi në zonat më të prekura, por tani për tani ekzekutivi dëshiron të shmangë masat drastike, në kundërshtim me atë që po bëjnë vendet e tjera europiane.

Autoritetet lokale, si në Castile dhe Leon, rekomandojnë qytetarët e tyre të qëndrojnë në shtëpi sa më shumë që të jetë e mundur./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.