BRUKSEL – EUROSTAT: Rritja e prodhimit industrial të zonës euro u përmirësua në nëntor

BRUKSEL, 13 janar /ATSH-DPA/ – Rritja e prodhimit industrial të eurozonës euro e udhëhequr nga rritja e fortë e prodhimit të mallrave kapitale u përshpejtua papritur në nëntor, deklaroi Eurostat.

Prodhimi industrial u rrit 2.5% në bazë mujore, më shpejt se rritja 2.3% e regjistruar në tetor. Kjo ishte rritja më e shpejtë në katër muaj dhe tejkaloi parashikimin e ekonomistëve prej 0.2%.

Prodhimi i mallrave kapitale u rrit me 7% dhe ai i mallrave të ndërmjetëm u rrit me 1.5%.

Ndërkohë, prodhimi i energjisë ra me 3.9%. Prodhimi i mallrave të konsumit të qëndrueshëm dhe jo të qëndrueshëm ra përkatësisht me 1.2% dhe 1.7%.

Në bazë vjetore, rënia e prodhimit industrial ra në 0.6% nga 3.5% në tetor.

Midis vendeve anëtare, Irlanda regjistroi rritjen më të lartë mujore prej 52.8%.

Ndërkohë, uljet më të mëdha janë vërejtur në Portugali, Belgjikë dhe Kroaci. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.