TIRANË, 8 janar /ATSH/ Shërbimi Meteorologjik Ushtarak bën të ditur se ditën e premte moti parashikohet kryesisht i vranët. Do ketë reshje shiu në të gjithë vendin me intensitet të ulët dhe mesatar.
Në pjesën veriore dhe pjesërisht në qendër në orët e para të mëngjesit deri në mesditë do ketë reshje me intensitet të lartë në formën e rrebesheve shoqëruar me shkarkesa elektrike. Në zonën e Alpeve dhe në verilindje do ketë reshje dëbore në lartësitë mbi 300-400 metër. Do ketë gjithashtu prezencë mjegulle të dendur në orët e mëngjesit si dhe në momentin e reshjeve të shiut dhe dëborës.
Era do të fryjë me drejtim Jug – Jugperëndim me shpejtësi mesatare 1-8m/sek, e cila hera-herës përgjatë vijës bregdetare dhe zonat luginore do ketë shpejtësi deri në 18m/sek. Valëzimi në dete parashikohet i forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 11/13 | re shi |
| Kukës | 6/10 | re shi /borë |
| Lezhë | 11/12 | re shi |
| Dibër | 5/8 | re shi /borë |
| Durrës | 11/16 | re shi |
| Tiranë | 11/15 | re shi |
| Elbasan | 10/13 | re shi |
| Berat | 12/14 | re shi |
| Vlorë | 13/16 | re shi |
| Korcë | 5/10 | re shi |
| Gjirokastër | 10/14 | re shi |
| Sarandë | 10/16 | re shi |