SOFT NEWS – Papa Françesku: Asnjë pandemi, asnjë krizë nuk mund ta fikë dritën e Krishtlindjes

ROMË, 6 dhjetor /ATSH-DPA/ – Papa Françesku lëshoi sot një mesazh shprese dhe qëndrueshmërie për kohën e Krishtlindjeve, ndërsa bota lufton me pandeminë e COVID-19.

Duke shpërndarë mesazhin “Angelus” për turmat në Sheshin e Shën Pjetrit, Papa Françesku vuri në dukje se një pemë e Krishtlindjes ishte ngritur në shesh dhe se po përgatitej një skenë e lindjes së Krishtit.

“Këto simbole të Krishtlindjes po vendosen, gjithashtu në shumë shtëpi, për të kënaqur fëmijët dhe, gjithashtu, të rriturit. Ato janë simbole, shenja shprese, veçanërisht gjatë kësaj kohe të vështirë”, tha ai.

“Nuk ka asnjë pandemi, asnjë krizë që mund ta fikë këtë dritë. Le ta lejojmë atë në zemrat tona dhe t’u drejtohemi atyre që janë më në nevojë”, shtoi Papa Françesku./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.