Vlorë/ 340 tonë bimë mjekësore u eksportuan në javën e fundit të nëntorit

TIRANË, 3 dhjetor /ATSH/ Në rajonin e Vlorës eksportet e bimëve mjekësore u rritën në 349 tonë në javën e fundit të muajit nëntor të këtij viti, kundrejt 290 tonëve që ishin në të njëjtën periudhë të vitit të kaluar.

Lindita Kondi përgjegjëse në Qendrën e Eksporteve Vlorë tha për ATSH-në se, “në qarkun jugor po shtohet interesi i fermerëve për zgjerimin e sipërfaqeve të mbjella me bimë mjekësore dhe eksportin e tyre”.

Sipas saj, kushtet klimaterike të përshtatshme gjatë muajit nëntor të këtij viti, favorizuan mbledhjen në sasi më të mëdha të bimëve mjekësore dhe eksportin e tyre.

Aktualisht në këtë qark, janë rreth 850 hektarë të mbjellë me bimë mjekësore të llojeve të ndryshme.

Eksportet e bimëve mjekësore nga rajoni i Vlorës janë të orientuar kryesisht drejt tregut rajonal dhe europian, që nga Maqedonia e Veriut, Bullgaria, Polonia, Gjermania etj.

Eksporti vjetor (2019) shënoi mbi 900 tonë bimë mjekësore. e.xh//a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.