TURQI- Rekord ditor, mbi 30 000 raste dhe 190 viktima nga COVID-19

ANKARA, 1 dhjetor /ATSH-AA/ – Turqia regjistroi sot 30 110 raste të reja infektimi me COVID-19 në 24 orët e fundit, sipas të dhënave të Ministrisë së Shëndetësisë.

Rastet e reja simptomatike e ngritën numrin e përgjithshëm të pacientëve në 506 966.

Numri ditor i viktimave u rrit me 190, duke shkuar në 13 936 në total.

Në kujdes intensive mbeten të shtruar 5 303 pacientë.

“Ne nuk duhet të harrojmë që masat paraprake, qofshin ato të detyrueshme apo vullnetare, shpëtojnë jetë”, shkroi ministri i Shëndetësisë, Fahrettin Koca, në Twitter, duke nxitur publikun të ndjekë masat COVID-19 dhe të qëndrojë në shtëpi./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.